Operacións básicas de cociña

A acción complementaria "Operacións básicas de cociña" correspóndese cun tipo de acción destinada á elaboración e experimentación de produtos, técnicas e/ou ferramentas de carácter innovador de interese para a mellora da formación profesional para o emprego (artigo 4º.b.), segundo a Orde do 14 de setembro de 2010 pola que se aproba a convocatoria para a concesión de subvencións públicas destinadas á realización de accións de apoio e de acompañamento a formación, de ámbito autonómico, correspondentes ao exercicio do ano 2010 e leva como título: “Elaboración das guías e materiais didácticos que van utilizar o profesorado e o alumnado na impartición da formación do certificado de profesionalidade de operacións básicas de cociña (Real decreto 1376/2008) nas modalidades de formación presencial e teleformación.”

O proxecto pretende incorporar novas tecnoloxías e metodoloxías na práctica docente na impartición, seguimento e avaliación das accións formativas, e darlle un enfoque específico de cara á mellora da calidade e eficiencia dos procesos de relación na formación. Deste xeito acelerarase a transmisión do coñecemento de e para os traballadores e chegará, máis eficazmente e con maior impacto, aos colectivos que na actualidade teñen dificultades para acceder á formación, en especial traballadores das PEMES galegas e persoas que residen en pequenos núcleos de poboación.

O resultado final do proxecto son os materiais didácticos e dous módulos formativos do certificado de profesionalidade Operacións básicas de cociña, da familia profesional Hostalaría e turismo, en formato ebook e SCORM.

Visita o sitio web do proxecto na url http://obc.foremgalicia.eu